Komisioni Europian dhe SHBA: Konflikti në Ukrainë është larg përfundimit

Presidentja e Komisionit Europian, Ursula von der Leyen, këtë të premte zhvilloi një takim me sekretarin amerikan të Shtetit, Antony Blinken, i cili vizion Europën në mesin e një lufte. Presidentja deklaroi se konflikti në Ukrainë është ende larg së përfunduari dhe shtoi se komuniteti ndërkombëtar është gati të aplikojë sanksione të reja.

“Ne e dimë se konflikti është larg përfundimit dhe mbetemi të gatshëm të miratojmë sanksione të mëtejshme nëse Putin nuk ndalet dhe nuk heqë dorë nga pushtimi. Ne jemi të vendosur dhe të bashkuar”, u shpreh Von der Leyen.

Gjatë deklaratës së përbashkët me Blinken, presidentja nënvizoi se bashkëpunimi mes BE dhe SHBA është zemra e reagimit ndaj Rusisë. “Putin është gjithnjë e më i izoluar në komunitetin ndërkombëtar dhe pavarësisht protestave ai vijon të mos bëj pas”.