Komisioni i Rithemelimit i PD nxjerr foton: Njerëz me maska të zeza e të armatosur brenda në seli

Komisioni i Rithemelimit të PD-së ka publikuar një foto ku theksohet, sipas tyre, se njerëz me maska dhe të armatosur qëndrojnë brenda selisë së PD-së. E kjo dy ditë para protestës së madhe që ka thirrur Sali Berisha.

“Ja për kë qëndron e hapur Selia e PD! Ndërkohë demokratët e sakrificës e deputetët e tyre qëndrojnë jashtë. Kjo merr fund ne 8 Janar”, shkruan zëdhënësja e ”Foltores”, Floriana Garo.

Kjo foto nëse është e vërtetë e komprementon krejt betejën e Lulzim Bashës. Ndaj duhet që Policia e Shtetit të ushtrojë kontroll në mjediset e selisë blu, gjithnjë nëse ka informacione nga shërbime të specializuara se çfarë ka brenda zyrave.

Ndaj dita e shtunë do të jetë ditë e vështirë për demokratët sepse vendoset se kush e merr apo e mban zyrën qendrore. Por pa luftë! Fotoja që publikon zëdhënësja Garo është alarm i madh për krejt PD, por edhe për shtetin.