Komuniteti Mysliman i Shqipërisë njofton për Haxhin në Arabinë Saudite

Komunitetit Mysliman i Shqipërisë njoftoi para pak minutash në lidhje me Haxhin 2020:

“Të nderuar besimtarë, veçanërisht ju të cilët kishit bërë nijetin për Haxh këtë vit, sipas vendimit të marrë nga Ministria e Haxhit në Mbretërinë e Arabisë Saudite, ju njoftojmë me keqardhje se këtë vit, ky ritual është anulluar si pasojë e masave të marra për shkak të parandalimit të Pandemisë COVID-19!

Sipas njoftimit të autoriteteve organizative, këtë vit ritualin e haxhit do ta kryejnë vetëm personat që ndodhen brenda territorit të Arabisë Saudite.

Ministria e Haxhit ka gjykuar se kjo masë është e domosdoshme për parandalimin e përhapjes së mëtejshme të virusit COVID-19, i cili deri më tani është përhapur në mbi 180 vende të ndryshme të botës.

Nisur nga ky vendim zyrtar i autoriteteve të Arabisë Saudite, Zyra e Haxhit pranë Komunitetit Mysliman të Shqipërisë nuk do të kryejë asnjë procedurë në lidhje me Haxhin për vitin 2020.

E lusim Allahun e Madhëruar t’jua pranojë si ardhurim të kryer nijetin për Haxh të secilit prej jush. Gjithashtu të lutemi të gjithë së bashku Allahut që kjo situatë të kalojë sa më shpejt, “përfundon Komuniteti Mysliman Shqiptar.