Konfirmohet rasti i dytë me COVID 19. Bashkia e Durrësit mbyll dyert për qytetarët
Aktualitet E Hënë, 15 Qershor 2020 10:54
Konfirmohet rasti i dytë pozitiv me COVID 19 në Bashkinë e Durrësit. Bëhet me dije se punonjësi që ka rezultuar sot pozitiv është rast kontakti me rastin e parë (i konfirmuar para disa ditësh).
Po ashtu rezulton se në karantinë ndodhen të gjithë punonjësit që kanë pasur kontakt me të prekurit, në pritje edhe të përgjigjes së tamponit.
Zëdhënësi i Bashkisë së Durrësit, Dorjan Agolli deklaroi se edhe ai ishte në karantinë 14 ditore.
Ndërkaq, në godinën e bashkisë nuk janë lejuar qytetarët. Pritet që të bëhet dezinfektimi i saj e më pas të rikthehet shërbimi.
