Konflikt mes të rinjve në Lezhë. Njëri në gjendje të rëndë në spital, tjetri arratiset

Një konflikt çasti mes dy të rinjve ka ndodhur në qytetin e Lezhës.

Dy të rinj janë konfliktuar me njëri-tjetrin pranë rreth rrotullimit të katedrales në qytetin e Lezhës, për të vazhduar më tej konflikti në rrugën e kalasë në lagjen Varosh.

Sipas burimeve një person ka mbetur i dëmtuar rëndë në pjesën e kokës ku po merr mjekim në spitalin e Lezhës.

Autori i dyshuar vijon të jetë në kërkim nga policia ku po ashtu dyshohet të ketë disa dëmtime.

Lezhë/Informacion paraprak

Rreth orës 11:30, në qytet, shtetasi R. M. dyshohet se ka goditur me sende të forta shtetasin F. Gj., gjatë një konflikti ndërmjet tyre, për motive të dobëta.

Shtetasi F. Gj. është dërguar në spital, për mjekim.

Shërbimet e Policisë po kryejnë kontrolle në qytet, për kapjen e autorit të dyshuar.

Grupi hetimor ndodhet në vendngjarje dhe po punon për sqarimin e rrethanave.