Kontrolle për parkimet në Tiranë, policia e shqetësuar: Pavarësisht gjobave të shumta, shoferët…

Policia e Tiranës ka vijuar me kontrolle të dedikuara në të gjitha rrugët e kryeqytetit, për të disiplinuar mënyrën e parkimit dhe qëndrimit të mjeteve, me qëllim shmangien e pengesave në trafik.

Policia thekson se ka konstatuar që pavarësisht kontrolleve dhe gjobitjeve në numër të konsiderueshëm që vendosen çdo ditë për këto shkelje, “përsëri shumë përdorues mjetesh manifestojnë neglizhencë të theksuar në raport me normat e sjelljes për pushimin dhe qëndrimin e mjeteve, ku përveç se shkaktojnë trafik dhe rrezik për aksidente rrugore në tërësi, bëhen pengesë serioze për mjetet e emergjencave mjekësore në veçanti, të cilat konstatohen çdo dite e më shpesh për shkak të dinamikës së madhe që përballojnë në këtë situatë”.