Korçë, banorët: Çmimi i druve, i papërballueshëm

Edhe pse nuk kanë nisur ende reshjet e borës apo ngricat, qyteti i Korçës po përgatitet për të përballuar stinën e ftohtë, e cila në këto anë është e ashpër. Gjëja kryesore që bëjnë korçarët është sigurimi i druve të zjarrit, me anë të të cilave sigurojnë ngrohjen thuajse që të gjithë banorët e qytetit juglindor.

Banorët shprehen së çmimi i druve të zjarrit po rritet nga viti në vit dhe po bëhet i papërballueshëm, në mënyrë të veçantë nga pensionistët dhe shtresat në nevojë. Shtresat në nevojë kanë edhe një apel për bashkinë, e cila sipas tyre nuk duhet të lejojë privatët të rrisin si te duan çmimin e druve të zjarrit.

Policia dhe autoritetet lokale të Drejtorisë për Mbrojtjen e Pyjeve, në 6 muajt e fundit kanë proceduar 30 persona për prerje të paligjshme të pyjeve duke sekuestruar dhjetëra metra kub lëndë drusore.