Kosovarët nuk pyesin për Covid-19. Radhë e gjatë makinash në Morinë

Edhe pse në të dy vendet, situata me Covid-19 nuk është aspak e qetë, kjo nuk e ka zbehur aspak dëshirën e kosovarëve për të udhëtuar dhe pushuar në Shqipëri. Kolona të gjata mjetesh janë krijuar mengjesin e kësaj të hene ne pikën e kalimit kufitar të Morinës.

Kolona janë krijuar në të gjitha korsitë e hyrjeve për në Shqipëri. Fluksi i automjeteve dhe qytetarëve të Kosovës për pushime në bregdetin shqiptar është më i madh krahasuar me fundjavën që lame pas.

Rreth 80 mijë persona me 19 mijë automjete kanë hyrë nga Kosova në Shqipëri, javën e parë të gushtit vetëm përmes pikës kufitare të Morinit në Kukës, ndërkohë që në korrik mesatarja ditore e kalimeve në kufi drejt Shqipërisë dhe anasjelltas i kaloi mbi 10 mijë.

Kurse fundjava e parë e muajit gusht shënoi një fluks të jashtëzakonshëm të hyrjeve në Shqipëri të qytetarëve Kosovarë me destinacion bregdetin shqiptar me rreth 50 mijë pushues kosovarë.