KQZ: Procesi i votimit në Himarë po ecën normalisht dhe pa problematika
Aktualitet Politikë E Diel, 4 Gusht 2024 09:46
Komisioni Qendror i Zgjedhjeve bën me dije se prej orës 7 të mëngjesit ka nisur procesi zgjedhor për kryetarin e Bashkisë Himarë.
Sipas KQZ-së, të gjithë qendrat e votimit në Bashkinë Himarë janë hapur sipas procedurave të përcaktuara nga Kodi Zgjedhor.
Identifikimi i zgjedhësve po bëhet përmes pajisjes elektronike të identifikimit (PEI) dhe nuk janë raportuar problematika.
“Procesi i votimit po ecën normalisht dhe pa problematika. Të 36 qendrat e votimit do të jenë të hapura deri në orën 19:00, në mënyrë që qytetarët e Himarës të ushtrojnë të drejtën e tyre të votës”, deklaron KQZ.
