Krimet nuk lejojnë familjen të tërheqë trupin e Muratajt

Prokuroria e Krimeve të Rënda nuk ka lejuar familjen të tërheqë nga Morgu i Tiranës trupin e pajetë të Admir Muratajt.

Shkak është bërë dyshimi që prokuroria ka për vrasjen e Muratajt, nëse është vrarë nga policia apo nga bashkëpunëtorët e tij në grabitjen e parave në Rinas. Kërkesa për ekspertizë mjeko-ligjore është bërë nga prokurori Arenc Çela.

Burimet zyrtare ende nuk kanë dhënë një informacion të saktë se nga kush është qëlluar Murataj, por raportohet se ai ka qenë më agresivi ndaj policisë.