Kriza e energjisë, Von der Leyen: KE do dalë me një plan afatgjatë

Në Samitin e BE me Ballkanin Perëndimor, vëmendje mori dhe kriza e energjisë ka prekur të gjithë botën. Presidentja e Komisionit Evropian, Ursula von der Leyen, tha se po bëhen përgatitje serioze për të dhënë disa orientime.

“Sa i përket rritjes së çmimeve të energjisë, do të bëhen përgatitje serioze, në mënyrë që të japim disa orientime. Dhe do të kemi edhe mbështetjen e Komisionit Evropian lidhur me këtë. KE do të publikojë një deklaratë lidhur me këtë çështje, në mënyrë që të kemi të gjithë një informacion të përbashkët.

Të punojmë për këtë, që të japim orientimin tonë në një tjetër nivel. Do ishte mirë të gjenim një qasje të përbashkët lidhur me këtë. Do të kemi një deklaratë në ditët në vijim lidhur me këtë çështje, do të shohim edhe veprimin tonë në plan afatgjatë”, tha ajo.