Kryemadhi: Basha ndoshta nuk hyn në garë, këtë punë ka bërë gjithmonë. Në 25 prill shiti mandatet e LSI tek PS

Monika Kryemadhi thotë se në zgjedhjet e pjesshme lokale të 6 marsit, PD-ja që drejtohet nga Lulzim Basha mund të mos jetë pjesë e garës. Po ashtë gjatë intervistës për ”Report Tv’, ajo thotë se më 25 prill, Basha i shitoi votat e LSI-së te PS-ja.

Një aleat armik e keni cilësuar Lulzim Bashën?

Patjetër një aleat armik, mjafton të shikoni proceverbalet e grupeve të numërimit të Partisë Demokratike në 25 prill. I hiqet mandate Elona Gurit i jepet Edi Ramës. I hiqet mandate Ardit Celës i jepet Blendi Klosit, i hiqet mandati Endrit Braimllarit i jepet Niko Peleshit. Mjafton kjo për të kuptuar sesi mandatet i hiqen LSI dhe i shiten Partisë Socialiste. LSI nuk ka ndërmend të luftojë për të shkuarën por të mësojë nga e shkuara.

Do keni një kundërshtar të fortë apo të dobët në këto zgjedhje?

Të nxjerrë kandidatët një hëre se nuk ka nxjerrë kandidatët. Afatet e fundit këto ditë janë. 6 shkurti është afati i fundit. Të mendosh që ka 10 vjet për primare dhe ende nuk ka hedhur emrat. Apo po bën sondazhe një listë apo dy lista. Është traditë e përhershme, është traditë që i mban gjërat në momentin e fundit. Unë shpresoj që të marrë pjesë në zgjedhjet e 6 marsit po mos u çudisni kur të thotë që nuk bëhem pjesë e ‘Trekëndëshit të Bermudës’ dhe nuk marr pjesë në zgjedhjet e 6 marsit, sepse kam përshtypjen që rezultatet do të jenë komplet ndryshe.

Mendoni që nuk do të hyjë në garë?

Po këtë punë ka bërë gjithmonë. Nuk na futi në zgjedhjet e 30 qershorit. Tha nuk do ti lëshojmë zyrat, i lëshoj zyrat me celësat me të gjitha me të tëra. Nuk do bëjmë këtë, nuk do bëjmë atë. Mbi trupin tim do kalojë ky, mbi trupin tim do kalojë ai.