Kryeministri grek vizitë në jug të Shqipërisë, mbërrin me helikopter ushtarak në Himarë

Kryeministri i Greqisë, Kyriakos Mitsotakis, ka nisur vizitën e tij në jug të Shqipërisë. Mitsotakis ka mbërritur me helikopter ushtarak në Himarë, ku ka vizituar shkollën greke.

Pas vizitës në shkollën Omiros, Presidenti grek do vizitojë dhe Kishën dhe më pas do të bëjë një shëtitje në shëtitoren e Himarës, ku do të takohet me banorët. Një ndalesë e Mitsotakis do të jetë dhe në zyrat e Omonias.

Në Livadh do të ketë një tjetër vizitë dhe më pas do të udhëtojë drejt Derviçanit në Gjirokastër, ku ndodhet po ashtu një pjesë e minoritetit grek në Shqipëri.

Pas këtyre vizitave, kryeministri i Greqisë do të takojë kryeministrin Edi Rama.

Agjenda e plotë:

09:30 Mbërritja në stadiumin e Himarës “Petro Ruçi”

09:35 Nisja me makina për në shkollën “Omiros”

09:50-10:30 Vizitë në shkollën “Omiros” dhe në kishën St. Pandon,

10:30 Nisja me makina drejt pedonales

10:45 Mbërritja në rrugën e këmbësorëve

10:45-11:00 Përshëndetje e shkurtër në rrugën e këmbësorëve

11:00 Nisja me makinë për në stadiumin e Himarës “Petro Ruçi”

11:05 Hipja në helikopter dhe nisja për në Livadhja të Finiqit

11:25 Mbërritja në Stadiumin e Livadhes, ecje në këmbë drejt Qendrës Kulturore

11:30-12:00 Përshëndetje dhe takim me nxënësit

12:00 Nisja në këmbë për në Stadiumin e Livadhjasë

12.20 Hipja në helikopter dhe nisja për në Derviçan të Dropullit

12:40 Mbërritja ne Stadiumin e Derviçanit

12:55 Përshëndetje e shkurtër në sheshin Derviçan

13:15 Nisja për në kishë

13:30 Vizitë në shkollën e Derviçanit

14:00 Nisja për në Aeroportin e Loaninës