Kryeministri Rama del live nga sheshi “Skënderbej”: Këtu po bëhet shtëpia e Europës

Kryeministri Edi Rama ka publikuar një video live nga sheshi “Skenderbej”, dhe shprehet se qendra e Tiranës do të bëhet shtëpia e Europës më 16 maj.

“Mirëmëngjes nga Sheshi “Skënderbej”, ku do të kalojnë të gjithë udhëheqësit e Evropës më 16 maj, këtu po bëhet edhe shtëpia e Europës, me të gjitha qytetet e Shqipërisë për Europën.

Nuk do të zbuloj më shumë, por ky do të jetë një spektakël i Shqipërisë në arenën ndërkombëtare dhe e gjithë bota do t’i ketë sytë atë ditë nga Shqipëria, nga Tirana, nga sheshi i Heroit tonë Kombëtar”, tha Rama.

Më 16 maj, në Tiranë do të mblidhen udhëheqësit e vendeve të Europës.