Kryeministri Rama pret rabinin e famshëm Yosiyahu Yosef Pinto

Kryeministri Edi Rama ka pritur rabinin Yosiyahu Yosef Pinto. Rama shprehet se ndihet i privilegjuar për këtë pritje. Ai tha se Shqipëria është vend model, duke shtuar se hebrenjtë u mbrojtën në vendin tonë si askund tjetër gjatë Luftës së Dytë Botërore. Kreu i qeverisë deklaroi se së shpejti në Vlorë do të hapet një muze hebre.

“Shumë i nderuar dhe me përulësi pata privilegjin të pres për herë të dytë, rabinin Yosiyahu Yosef Pinto, në Shqipëri – një vend model i vëllazërisë fetare, ku hebrenjtë u morën në mbrojtje si askund tjetër gjatë Luftës së Dytë Botërore.

Ishte një privilegj të vizitoja me të Vlorën, qytetin ku u vendosën hebrenjtë shekuj më parë dhe ku, në zonën që dikur strehonte lagjen e hebrenjve, së shpejti do të hapim rrugën për të ndërtuar një muze të bukur Hebraik”, shkruan Rama.