Kryeministri serb: Edi Rama me uroi për fitoren e Serbisë

Mediat serbe shkruajnë se kryeministri shqiptar, Edi Rama, i ka dërguar mesazh urimi homologut të tij serb, Aleksandër Vucic, për fitoren e mbrëmshme në “Elbasan Arena”. 

“Ne shkëmbyem mesazhe urimi dhe respekti”, ka thënë Vucic për mediat vendase.

Më tej në raportimet për ndeshjen shkruhet se në stadiumin e Elbasanit nuk pati incidente. Kryeministri serb kishte deklaruar më herët se do ishte prezent në shkallët e “Elbasan Arena”, por disa orë para ndeshjes ai tha se për shkak të agjendës politike do ta ndiqte sfidën nga Serbia.