Ku është Artemis Vasili? Dëshmia e re hedh dritë për fatin e 19-vjeçares shqiptare

Që prej datës 19 tetor 2020, nuk ka asnjë të dhënë se çfarë u bë me fatin e 19-vjeçares shqiptare Artemis Vasili. Ajo u largua nga shtëpia për një intervistë pune, por nuk u kthye kurrë.

Çështja e zhdukjes qëndron e hapur prej dy vitesh. Ngjarja është rikthyer përsëri në vëmendje me një dëshmi të depozituar të premten në emisionin “Dritë në tunel”, duke i dhënë një kthesë të re çështjes. 19-vjeçarja është parë një ditë pas zhdukjes së saj në Koropi, e humbur në mendime në plazhin e Agia Marinës.

“Është diçka e re kjo dëshmi. Ndërsa më parë personi i fundit e kishte parë në stacionin e autobusit duke pritur dikë, tani vjen një dëshmi që ndryshon të gjitha faktet dhe na thotë se e sheh në plazhin e Agia Marinës. Kjo zonë nuk ishte kontrolluar kurrë. Besojmë se këtë javë do të jepet urdhër për kontroll edhe në këtë zone”, tha avokati, Anastasios Dugas.