Kultivim droge dhe dhunë ndaj bashkëshortes, arrestohen dy persona në Berat dhe Poliçan

Një rast i kultivimit të lëndëve narkotik është goditur së fundmi nga policia e Poliçanit. Në pranga ka rënë N. T 32 vjeç, pasi dyshohet se ka kultivuar bimë narkotike në territorin e fshatit Zhitom i Madh, në pronë publike.

Si pasojë e ngjarjes është proceduar në gjendje të lirë Q.Q, 63 vjeç, banues në fshatin Zhitom i Madh me detyrë Kryeplak, pasi dyshohet se ka konsumuar elementët e veprës penale “Shpërdorim detyre”.

Ndërkohë nga policia e Beratit është arrestuar E.H. 31 vjeç, banues në Berat, pasi u kap në flagrancë duke ushtruar dhunë fizike ndaj bashkëshortes së tij.

Poliçan/Skrapar

Evidentohet dhe goditet një rast tjetër i kultivimit të bimëve narkotike.

Proçedohet në gjendje të lirë Kryeplaku i fshatit.

Identifikohet dhe shpallet në kërkim autori i dyshuar dhe vijon puna për kapjen e tij.

Shërbimet e Policisë Poliçan në bashkëpunim me DVP Berat në vijim të kontrollit të pandërprerë të territorit, kanë konstatuar të kultivuara në territorin e fshatit Zhitom i Madh, në pronë publike, bimë narkotike cannabis sativa.

Në përfundim të veprimeve të para hetimore, Specialistët për Hetimin e Krimeve në Komisariatin e Policisë Poliçan proçeduan në gjendje të lirë shtetasin:

Q.Q, 63 vjeç, banues në fshatin Zhitom i Madh me detyrë Kryeplak, pasi dyshohet se ka konsumuar elementët e veprës penale “Shpërdorim detyre”

Në vijim të veprimeve hetimore u shpall në kërkim shtetasi N.T 32 vjeç, banues në fshatin Zhitom i Madh, si autori i dyshuar për kryerjen e veprës penale “Kultivimi i bimës narkotike”

Materialet i kaluan Prokurorisë së Rrethit Gjyqësor Berat për veprime të mëtejshme.