Kush ishte Livi, i riu që u përplas me motor dhe ndërroi jetë?

Elvis Xhafa, 26 vjeç është i riu i cili u përplas me motor ditën e djeshme tek Unaza e Re në kryeqytet dhe për pasojë ndërroi jetë në Spitalin e Traumës.

Ai humbi kontrollin e motorit, duke u përplasur me trotuarin.

26-vjeçari kishte pësuar dëmtime të rënda në pjesën e pasme të kokës nga përplasja dhe nuk mundi dot t’u mbijetonte plagëve të marra.

Ai u ndihmua nga kalimtarë të rastit dhe pronari i një lokali aty pranë, pasi policia dhe ambulanca mbërritën në vendngjarje pas 30 minutash, ndonëse ishin lajmëruar sapo kishte ndodhur aksidenti.

Livi punonte banakier tek një lokal në Unazen e Re dhe pikërisht gjeti vdekjen duke shkuar në punë.

26-vjeçari ishte një djalë i ri i cili siguronte jetesën duke punuar. Fieraku njihej nga miqtë e tij si Livi dhe përshkruhet si një djalë i mirë, i cili punonte me djersë për të siguruar bukën e familjes.