“Kushtetuesja” pezulloi ligjin e mjekësisë, Rama: Vendim absurd, por do e zgjerojmë këtë sistem dhe në degë të tjera

Nga mbledhja këtë mbrëmje e Asamblesë së PS-së në Tiranë, pezullimin e ligjit për studentët e mjekësisë nga ana e Gjykatës Kushtetuese, kryeministri Edi Rama e quajti absurd. Në fjalën e tij, Rama këmbëngul që kjo ishte rruga më e drejtë që duhet ndjekur e për të përforcuar këtë qëndrim të tillë, ai solli shembullin e shkollës ë Magjistraturës.

“Nuk i diskutoj vendimet e gjykatave, por dhe pezullimi që i bëri GJK kërkesës absurd për ta hedhur poshtë këtë gjë, është absurd, po e diskutoj se është pezullim se ka një shkollë që është ajo e magjistraturës që e ka kusht, që nuk merr diplomën po nuk punove 5 vjet më duket si magjistrat dhe kjo shkollë është më e mira në Shqipëri, por fakti është që as nuk është shkelur një e drejtë kushtetuese”, tha Rama.

Për këtë arsye, duke e menduar si rrugën më të drejtë, Rama tha se këtë sistem si me studentët e mjekësisë, do e zgjerojnë dhe në degët e tjera. “Në arsimin publik që e kemi më të favorshëm dhe që praktika tregon që nuk e kemi aq larg kërkesave të Europës, do e zgjerojmë, ose është variant tjetër që ua kemi dhënë, do të ikësh që të nesërmen sat ë marrësh diplomën? Do paguash një tarifë tjetër”, përfundoi Rama.