Kuvendi Kombëtar voton shkarkimin e Lulzim Bashës si kryetar të PD. Më 18 dhjetor do votohet edhe nga anëtarësia demokrate

Aktualitet Kryesore E Shtunë, 11 Dhjetor 2021 12:57

Kuvendi kombëtar i PD-së ka miratuar votimin e fshehtë me fletë votimi me pyetjen A JENI DAKORT PER SHKARKIMIN E LULZIM BASHES NGA KRYETAR I PD?

Po kështu Kuvendi miratoi votimin me datë 18 dhjetor të këtij viti në të gjithë anëtarsinë e PD në të gjithë Shqipërinë me pyetjen në fletë votimi me pyetjen A JENI DAKORT PER SHKARKIMIN E LULZIM BASHES NGA KRYETAR I PD?

Pra përveç votimit të sotëm në Kuvend nevojitet edhe votimi nga anëtarsia e PD-së.

Ndërkohë Kuvendi vendosi për ndryshime në Statutin e PD-së, ku më kryesoret janë këto pika:

1-Kur kryetari i PD-së humbet zgjedhjet politike shkarkohet.

2-Kandidatët për deputet dhe kandidatët për kryebashkiakë do të votohen nga anëtarsia e rrethit përkatës dhe nga ajo e bashkisë.

Ndërkohë në Kuvendin Kombëtar të PD-së po votohet për shkarkimin e Lulzim Bashës nga kryetar i PD-së.

Në fund do të njoftohet votimi si del nga votimi i fshehtë.

Komisioni i Organizimit te Kuvendit shkarkon nënkryetarët e PD, sekretarin e përgjithshëm, dhe kryesinë e PD-së, me arsyen se nuk janë zgjedhur sipas statutit.

Në Kuvendin Kombëtar është zgjedhur Komisioni i Rithemelimit me 27 anëtarë.

Gjatë fjalës së tij Këlliçi njoftoi se Kuvendi vendosi të votojë me votim të fshehtë për shkarkimin e kryetarit të PD, Lulzim Basha për dëmtim të rëndë të interesave politike.

Ndërkohë më 22 mars 2022 do mblidhet përsëri Kuvendi për të zgjedhur strukturat e reja te PD-së.

Ndërkohë Azem Hajdari u vlerësua kryetar nderi i PD-së.

LISTA

Agron Shehaj

Albana Vokshi

Aldo Bumçi

Arben Ristani

Belind Këllici

Blendi Himçi

Bujar Nishani

Çlirim Gjata

Edith Harxhi