Ky është efektivi i policisë që humbi jetën në aksidentin e rëndë në Korçë

Personi në foto është Krenar Çekiçi, 45-vjeçari që humbi jetën pas një aksidenti të rëndë rrugor të ndodhur mesditën e së mërkurës në aksin Korçë–Maliq.

Ai u plagos rëndë gjatë përplasjes së fortë mes dy automjeteve pranë fshatit Lumalas dhe u transportua me urgjencë në spitalin e Korçës.

Pavarësisht përpjekjeve të mjekëve për ta mbajtur në jetë, 45-vjeçari nuk arriti t’u mbijetojë plagëve dhe ndërroi jetë disa orë pas aksidentit.

Nga ngjarja mësohet se në përplasje u përfshi edhe një mjet i tretë, i cili pësoi vetëm dëme të lehta materiale.

Viktima ishte punonjës i policisë së burgjeve pranë IEVP Drenovë, ndërsa policia rrugore po vijon hetimet për zbardhjen e plotë të rrethanave dhe përcaktimin e shkakut të aksidentit.