Lara Colturi në Top10 në kupën e botës për ski, Rama: Rezultat fantastik për Shqipërinë

Skiatorja Lara Colturi është futur për herë të parë në Top 10 në garën e Kupës së Botës.
Kryeministri Edi Rama e cilësoi këtë një tjetër rezultat fantastik për Shqipërinë.

“Skiatorja Lara Colturi, italiania që vendosi bashkë me prindërit të përfaqësojë flamurin më të bukur në botë, u klasifikua për herë të parë në Top10, në një garë të Kupës së Botës”, shkruan kryeministri në rrjetet sociale.

Rama uroi Federatën Shqiptare të Skive, e cila falë pasionit të paepur të presidentit Elvis Toçi, ka krijuar një bërthamë talentesh me djem e vajza shqiptare. Ky është një rezultat historik për skiatoren kuq e zi dhe nje gur kilometrik për skitë në Shqipëri.

Postimi i plotë i Ramës

Një tjetër rezultat fantastik për Shqipërinë. Skiatorja Lara Colturi, italiania që vendosi bashkë me prindërit të përfaqësojë flamurin më të bukur në botë, u klasifikua për herë të parë në Top 10, në një garë të Kupës së Botës. Urime Federatës Shqiptare të Skive, e cila falë pasionit të paepur të presidentit Elvis Toçi, ka krijuar një bërthamë talentesh me djem e vajza shqiptare, që stërviten në pistat e Italisë e jo vetëm, ndër të cilët Lara është sot për sot xhevahiri më i çmuar i kurorës