“Le Iene” ironi me Fake News-in e Ramës

Kryeministri Edi Rama postoi sot në facebook një video ku tregonte se çfarë i kishte gjetur spanjollët që nuk zbatonin rregullat e vendosura për të menaxhuar krizën e krijuar nga Covid-19. Rezultoi se videoja nuk ishte bërë në Spanjë por në Algjeri. Më pas kreu i qeverisë kërkoi falje për videon, duke thënë se ia kishte dërguar një miku i tij nga Italia. Gafa nuk i ka shpëtuar programit italian “Le Iene”, të cilët shkruanin se që me shikim të parë, mund të “përjashtohet kategorikisht se videoja është e lidhur me masat shtrënguese në Spanjë. Videoja, sqaron Le Iene, në fakt është publikuar më 7 mars në Twitter nga @AlgeriaRevolt bashkë me një tekst shoqërues që sqaron se është bërë në Algjeri.