“Le të vijë Rama në çadër”, nëna me 3 fëmijë të mitur tregon vuajtjet pas tërmetit

Moti me temperatura nën zero dhe erë të fortë që ka mbërthyer vendin ditëve të fundit, ka vështirësur edhe më shumë gjendjen e banorëve të Thumanës dhe Laçit të prekur nga tërmeti i 26 nëntorit të vitit që sapo lame pas.

E revoltuar, është shpreur për kamerën e Abc news një nënë e re, nga fshati Sanxhak i Laçit e cila tregon se era e fortë i ka rrëzuar çadrën në të cilën ndodhej prej natës së 27 nëntorit me 3 fëmijët, 10 vjeç, 4 vjeç, 7 muajsh, bashkëshortin dhe vjehërrit e moshuar dhe i ka detyruar ata të rifuten edhe njëher në banesën e rrënuar, tjegullat e së cilës rrezikojnë ti zënë brenda nga momenti në moment.

“Gjithë natën jam pa gjumë…me dy orë gjumë. I kam mbuluar fëmijët me 3 jorganë, me mendimin se po ranë tjegullat të mos u bien në kokë fëmijëve. Eshtë tmerr, tmerr, fryn ere, është ftohtë.

Në këto kushte ekstreme ajo nuk ka nguruar të shpreh irritimin e saj ndaj deklaratave të kryeministrit, duke e sfiduar këtë të fundit të përjetojë vetë në çadra atë që po përjetojnë këta të pastrehë.

Kemi shkuar në bashki por nuk na japim bonus qiraje. Këtë e thotë edhe Kryeministri Edi Rama që ska bonus për ne që jetojmë në fshat. A ka fëmijë vetë ai?! A logjikojnë këta njerëz?! A janë normalë?! Si mundet që fëmija i vogël të qendrojë në çadër? Kush mban përgjegjësi për ne? Z. Rama që thotë rri në çadër të vijë vetë të rrijë në çadër…”, shprehet e revoltuar Bora Prenga

Më poshtë, me zë dhe figurë: