Legalizimet e paligjshme në Durrës, Policia shoqëron edhe 3 zyrtarë të Kadastrës

Ditën e sotme ka arritur në pesë, numri i të shoqëruarve nga Policia e Durrësit lidhur me legalizimin e disa godinave të ndërtuara në shkelje të ligjit.

Janë shoqëruar në polici Arben Isaku, ish-drejtor i ALUIZNI, aktualisht Nëndrejtori i Kadastrës Durrës; Aldo Dakovelli, Shef sektori në Kadastrën e Durrësit dhe Artemis Malko, inspektor në terren.

Para tyre, Policia shoqëroi dy drejtuesit e Kavalishencës në Durrës, Ahmet Dodën drejtor dhe Kujtim Hasën, nëndrejtor, për godinën në të cilën humbi jetën kryekomisari Bajram Hajdarmata.

Sipas disa burimeve, Prokuroria ka prerë 17 fletë-arreste lidhur me përgjegjësit e legalizimit të godinave të ndërtuara në shkelje.