Levë në kokë kreut të Inspektoratit të Punës në Shkodër

Kreu i Inspektoratit të Punës në Shkodër është dhunuar nga persona të paidentifikuar ndërsa shkonte në punë mëngjesin e sotëm.

Agim Shimaj është qëlluar me levë në kokë dhe sende të forta në trup, ndërsa shkonte në zyrën e tij. Mësohet se kanë qenë dy persona që i kanë zënë pritë dhe e kanë goditur.

Sipas kallëzimit që ka bërë vetë Shimaj në polici, nuk dihet ende motivi ose shkaku. Policia nuk bën të qartë nëse vetë Shima ka identifikuar autorët.

Kreu i Inspektoratit të Punës është dërguar në spital ku ka marrë mjekimin dhe më pas është larguar drejt komisariatit për të denoncuar dhe dhënë deklaratën e tij. Policia po punon për identifikimin e autorëve.