Lëvizte me armë zjarri, forcat “Shqiponja” arrestojnë 20-vjeçarin libanez

Një 20-vjeçar libanez është vënë në pranga nga forcat “Shqiponja”, pasi qarkullonte me armë zjarri me vete. Pas njoftimit nga qytetarët se një i ri po qarkullonte me armë zjarri në zonën e Laprakës është organizuar puna për lokalizimin dhe prangosjen e tij.

Uniformat blu njoftojnë se në rrugën “Lord Bajron”  është kapur  personi i dyshuar dhe është shoqëruar  në ambientet e Policisë.

Në përfundim të veprimeve të para hetimore, nga Komisariati i Policisë Nr. 3 u bë arrestimi në flagrancë i shtetasit libanez Muhamed Binali, 20 vjeç, për veprën penale “Armëmbajtja pa leje”. Po ashtu është sekuestruar dhe arma e zjarrit në cilësinë e provës materiale.

Materialet do t’i kalojnë Prokurorisë së Rrethit Gjyqësor Tiranë, për veprime të mëtejshme.