Lezhë/Sekuestrohen prona, vila dhe makina luksoze me vlerën e 1 miliardë lekëve

Policia e Lezhës në bashkëpunim me Prokurorinë e Rrethit Gjyqësor Kurbin ka sekuestruar vila, njësi tregtare dhe automjete.

Shtetasit me iniciale V. H., iu bë  vendosja e sekuestros preventive mbi pasuritë e këtij shtetasi dhe familjarëve të tij.

Gjykata e Shkallës së Parë Kurbin, ka vendosur masën e sigurimit pasuror “sekuestro preventive” mbi pasuritë dhe automjetet e mëposhtme:

1. a) 2 njësi tregtare ( ambiente biznesi bar kafe & parukeri)
2. b) 2 godina banimi ( 1 vilë 3 katëshe & 1 apartament 80 m2)
3. c) 1 sipërfaqe toke rreth 15 000 m2
4. d) 5 automjete luksoze ( me vlera monetare të konsiderueshme )

Vlera e pasurive të sekuestruara është rreth 670 mijë Euro.

Ndaj këtij shtetasi ka dyshime nga partnerët, se është i përfshirë në aktivitet kriminal për shfrytëzim prostitucioni në Milano – Itali dhe për trafik të narkotikëve në Francë dhe Belgjikë.

Ndërkohë që vijon puna për identifikimin dhe sekuestrimin e rasteve të tjera.