Ligji i ri nga sekretarja britanike, shqiptarët nuk do përfitojnë më azil kërkim. Mbi 12 mijë shtetas janë në pritje

Sekretarja e Brendshme e Britanisë së Madhe, Suela Braverman mendon se shqiptarët janë “pushtues” dhe për këtë ajo ka gati ligjin që shqiptarëve iu ndalon azil kërkimin. Sipas gazetës “The Sun”, ku citohet një burim qeveritar, ndryshimet pritet të ndodhin përpara Krishtlindjes.

Mësohet se janë 12.102 shqiptarë në pritje t’u shqyrtohet kërkesa për azil. Deri më tani mediat britanike kanë zbuluar se ky plan do ta përfshi Shqipërinë në listën e bardhë, duke mos-lejuar që shqiptarët të kenë të drejtë azil kërkimi.

Kryeministri britanik Rishi Sunak, u tha deputetëve konservator se për të është prioritet korrigjimi i situatës me emigracionin e jashtëligjshëm.