Ish-deputetja e PD-së, Liljana Elmazi e cila mbështet ish-kryeministrin Sali Berisha në betejën e tij për një PD demokratike, përmes një postimi në facebook, jep mesazhin që PD duhet të jetë pa njerëz të PS-së brenda saj.
Po ashtu ajo nënvizon se lufta do të bëhet për një PD të madhe, të fortë, të lirë e demokratike ku dëgjohet e vendos demokrati i thjeshtë.
”Për një PD të qendrës së djathtë, të demokratëve qëndrestarë dhe të rinjve që duan vendin e kombin. Për një PD bazuar në vlerat e demokracisë, ato amerikane e europiane si model. Për një PD të madhe, të fortë, të lirë e demokratike ku dëgjohet e vendos demokrati i thjeshtë. Për një PD pa njerëz të FRESH, PS apo çdo interesaxhiu tjetër në struktura, por demokratë me vlera”,-shkruan Elmazi në facebook.
