Lleshaj në policinë e Beratit: Luftoni krimin

Sandër Lleshaj, ministri i Brendshëm, zhvilloi një takim me strukturat vendore të Policisë së Qarkut të Beratit. Takimi zgjati rreth 1 orë e 30 minuta.

Me mjetin e Ministrisë së Brendshme, Lleshaj është futur direkt në mjediset e komisariatit të Policisë Berat, duke shmangur kontaktet me gazetarët. Lleshaj mësohet se është takuar me drejtuesit e komisariateve të Policisë Berat, Kuçovë e Skrapar, ndërsa ka biseduar me ta për më shumë se 1 orë.

Lufta ndaj krimit, ka qenë porosia kryesore e Ministrit të Brendshëm Sandër Lleshaj edhe për punonjësit e Policisë së Qarkut të Gjirokastrës. Lleshaj zhvilloi atje një takim në kuadër të turit që ka ndërmarrë në rrethe.

Bashkëpunim me komunitetin dhe më shumë efektivitet nga ana e policisë, mësohet se kanë qenë të tjera porosi të Ministrit të Brendshëm në takimin që u zhvillua me dyer të mbyllura. Më herët, LLeshaj ka zhvilluar takime me drejtuesit e Policisë së Shkodrës, Lezhës, Durrësi e Elbasanit, të konsideruara si qarqe të nxheta për veprimtarinë kriminale.