“Lufta” në spital, të arrestuarit dalin sot në seancë

Ka nisur në Gjykatën e Fierit seanca për pesë të arrestuarit e konfliktit të Levanit, që vijoi edhe me përdorimin e armëve brenda ambienteve të spitalit. Në seancë pritet të jenë katër të arrestuarit Aldo Zhapaj, Emiglent Kararaj, Daniel Braçe dhe Gazment Braçe, të cilët do të njihen me masën e sigurisë, ndërsa për të arrestuarin tjetër, Aleksandër Zhapaj, masa e sigurisë do të jepet në mungesë pasi ndodhet për ndihmë mjekësore në Tiranë. Seanca po zhvillohet me dyer të mbyllura, ndërsa gjyqtar është caktuar Piro Sota.