Makina përplas për vdekje 18-vjeçarin

Një aksident tragjik ka ndodhur pak minuta më parë në rrugën Fushë Krujë-Tiranë, ku raportohet se një makinë ka përplasur për vdekje një të ri vetëm 18-vjeç.

Deri tani është raportuar se i riu që humbi jetën është 18-vjeçari A. Ç, i cili ka qenë duke kaluar rrugën kur është përplasur nga makina.

Drejtuesi i mjetit shtetasi me iniciale F.Rr., është shoqëruar në ambientet e Stacionit të Policisë Fushë- Krujë ku po pyetet nga ana e Oficerëve të Policisë për rrethanat e aksidentit dhe kryerjen e veprimeve të mëtejshme procedurale.