Makina përplas për vdekje këmbësorin në Durrës

Një aksident me pasojë vdekje është regjistruar mbrëmjen e djeshme rreth orës 23:30, në aksin rrugor Shkozet-Plepa, Durrës. Policia bën me dije se shtetasi A.Zh., 30 vjeç, duke drejtuar automjetin e tij , ka aksidentuar shtetasin Sh.P., 56 vjeç.

Fatkeqsisht këmbësori ka ndërruar jetë, ndërsa drejtuesi i mjetit u shoqërua në Komisariat për veprime të mëtejshme. Grupi Hetimor ndodhet ne vendngjarje dhe po punon për përcaktimin e shkakut të aksidentit.