Makina shpërthen në ecje në Nikël. Plagoset shoferi, ishte me precedentë penalë

Një mjet ka shpërthyer në lëvizje e sipër në fshatin Nikël të Krujës mëngjesin e sotëm bën të ditur policia e Durrësit

Nga shpërthimi drejtuesi i mjetit shtetasi G.B. 35 vjeç, banues në Larushkë, ka marrë dëmtime në këmbë dhe ndodhet nën kujdesin e mjekëve në Spitalin Ushtarak Tiranë jashtë rrezikut për jetën.

Sipas policisë eksplozivi ishte vendosur në pjesën e përparme të automjetit tip Touareg me targa AA 020 BH

Shtetasi i mësipërm është person me preçedentë penalë të mëparshëm në fushën e veprave penale kundër personit dhe pronës. /Ora News/