Maliq, i dehuri rrëzohet dhe humb jetën

Një 50-vjeçar ka humbur jetën në fshatin Zvezdë të Maliqit pasi u rrëzua në banesën e tij dhe mori disa plagë të rënda në pjesën e kokës.

Sipas të dhënave paraprake, dyshohet se 50-vjeçari H.B ka qenë në gjendje të dehur kur është rrëzuar dhe më pas është dërguar me urgjencë për në spital, por ka humbur jetën në ambulancë.

Grupi hetimor po punon për sqarimin e rrethanave të ngjarjes dhe përcaktimin e shkaqeve të vdekjes.