Manjani: Videoja, të tilla skandale duan ndëshkim shembullor

“Skandale të kësaj natyre meritojnë ndëshkim shembullor”.

Ky është reagimi i ministrit të Drejtësisë, Ylli Manjani, në lidhje me publikimin e video-skandalit të kryebashkiakut Shukri Xhelili mbrëmjen e 12 majit 2016 në emisionin “Të Paekspozuarit” në Ora News.

“Videoja flet vetë. Qeveria ka marrë vendimet e duhura dhe prokuroria jam informuar se është në procesin e duhur. Historitë e tjera duhet t’i gjykojë morali i shoqërisë. Skandalet e kësaj natyre meritojnë ndëshkim shembullor”, tha Manjani në një prononcim për median sot paradite gjatë promovimit të klinikës ligjore falas.