Marku: Rama e ka në dorë, t’i plotësojë kërkesat e studentëve

Protestës masive të studentëve para Kryeministrisë, i është bashkuar edhe pedagogu Mark Marku. Sipas tij Rama duhet të plotësojë kërkesat e studentëve, pasi është përgjegjësia e tij dhe e jo e Universiteteve. Ai tha se pasi të plotësohen kërkesat, atëherë studentët mund të dialogojnë me kryeministrin.

”Kërkesat e tyre janë të realizueshme, të drejta dhe thjesht duhet të plotësohen siç i kërkojnë studentët. Pasi të plotësohen atëherë mund të diskutohet. Mendoj se kjo është rruga më normale. Pse duhet të dialgojnë me studentët për të bërë diçka që do të donte ta bënte. Këto kërkesa që i shtrojnë studentët në i kemi shtruar para 4 vjetëve. Ne kundërshtojmë ligjin për arsimin e lartë. Universitetet nuk kanë mundësi të bëjnë asnjë veprim ekonomik, pasi gjithë strukturën e ka qeveria. Universitetet kanë pjesën akademike. Universiteti ka problemet e veta por nuk ka përgjegjësi në rritjen e tarifave”,-tha Marku.