Marrëveshja nga sekretarja që “përbuz” shqiptarët, deputetët: Një investim i dështuar

Sekretarja e Brendshme e Britanisë, Suella Braverman një emigrante nga India, është kundër emigrantëve të paligjshëm shqiptarë, të cilët edhe i cilësoi si “pushtues”. Ajo firmosi marrëveshjen e bujshme me ministrin e brendshëm francez, Gerald Darmanin.

Marrëveshja u firmos mëngjesin e së hënës në Paris. Deputetët konservatorë si dhe sindikatat dhe grupet për refugjatët, kanë dënuar nënshkrimin e marrëveshjes 72 milionë euroshe për të ndalur emigracionin e paligjshëm në Kanalin e La Manshit.

Natalie Elphicke dhe Tim Loughton deputetë në parlamentin e Mbretërisë së Bashkuar, janë shprehur se marrëveshja është e dyshimtë pasi nuk do të frenojë plotësisht emigracionin e paligjshëm. Sipas tyre patrullat që do të vendosen në plazhet, dhe nuk do të përballojnë dot fluksin e emigrantëve të cilët shtohen çdo ditë.

“Nuk përputhet me shkallën apo urgjencën e krizës së varkave të vogla, apo me rrezikun në rritje të humbjes së jetëve me afrimin e dimrit,” është shprehur Elphicke. Sipas Loughton ka deklaruar se nuk ka asgjë në këtë marrëveshje që detyron policinë franceze të ndalojë dhe arrestojë këdo që përgjon.