“Mashtrimi me paketën e tretë të ndihmës”/ Reagon Rama: Mos i gëlltisni kurrë pa përtypur produktet e Bashës

Kryeministri i vendit, Edi Rama ka ripostuar një video të publikuar nga Partia Demokratike, e cila e akuzon se nuk e ka miratuar paketën e tretë për individët dhe biznesin mes 20 dhe 25 majit, ashtu sikur kishte premtuar.

PD e cilësoi si mashtrim të Ramës të gjithën këtë, ndërkohë që kreu i qeverisë shkruan se në 13 prill theksoi se paketën e tretë do ta miratonte duke parë dinamikën.

“Mjafton të nxjerrësh gjysmën e një fraze të vërtetë nga goja e tjetrit, për të përhapur një gënjeshtër të madhe ndaj tij!Gjysmë të vërtetat gënjeshtrat më të mëdha. Që të ruheni prej tyre mos i gëlltisni kurrë pa përtypur produktet e LBPD & Co. Në fund të majit Shqipëria u rihap dhe u rikthye në normalitet. Pagesat vazhdojnë dhe do të mbyllen 100% për afro çerek milionë punonjës”, shkruan Rama.