Maturantët, Rama zapton hapësirën televizive për të shmangur pasqyrimin e protestës dhe mbron reformën

Në të njëjtin orar kur është lajmëruar zhvillimi i protestës së radhës nga maturantët, të cilët edhe pse me mesatare tejet të lartë nuk po arrijnë dot të regjistrohen në Universitete, Kryeministri Edi Rama mblodhi disa maturantë fitues nga formulari i pranimit në Universitet dhe po zhvillon një takim që po mbahet në kryeministri.

Duke e quajtur shumë të vonuar por të domosdoshme, Rama mbrojti me forcë reformën si më transparenta dhe që shembte sistemin e penalizimit të ekselentëve. “Shembëm një sistem mbi penalizimin e ekselentëve. Ju që jeni ekslentë jeni këtu. Kemi nisur shumë mirë. Shembëm shtesat, një farsë e paimagjinueshme. “Hera e parë që më të mirët janë privilegjuar”- tha Rama.