Anthony Blinken për herë të parë në Shqipëri, pritet në Rinas nga Hasani dhe dy ambasadorë

Sekretari amerikan i shtetit, Antony Blinken ka nisur vizitën e tij të parë në vendin tonë, ndërkohë që avioni i tij zbriti sipas orarit të caktuar në tokën shqiptare.

Në pritje të Blinken, i cili shoqërohet nga ish-ambasadorja Yuri Kim, në Rinas është ministri për Europën dhe Punët e Jashtme, Igli Hasani, ambasadori shqiptar në SHBA, Ervin Bushati, ambasadori amerikan në Tiranë, David Wisner.

Gjatë vizitës që pritet të zgjasë disa orë, pjesë e turit që nis në Shqipëri dhe përfundon në Berlin, zyrtari i lartë amerikan do të ketë një takim me presidentin e vendin Bajram Begaj dhe kryeministrin Edi Rama, me të cilin pritet të mbajnë edhe një konferencë të përbashkët për shtyp.