Mbetjet problem edhe në Gjirin e Lalzit, plehrat nuk grumbullohen

Situata e mbetjeve që nuk grumbullohen, po ndodh edhe në plazhin e Gjirit të Lalzit, aty ku shezlonget janë bosh, ndërsa koshat e plehrave plot!

Prej javësh mbetjet urbane në këtë zonë turistike nuk tërhiqen nga asnjë makinë plehrash. Koshat e mbushur me plehra që ndodhen pranë objekteve akomoduese dhe restoranteve mbajnë larg pushuesit vendas dhe të huaj. E gjitha rruga e Gjirit të Lalzit të ofron këtë pamje.

Plehrat e pa mbledhura nga bashkia e Durrësit në të gjithë territorin e Gjirit të Lalzit kanë ngritur landfille ilegale, të cilat kundërmojnë erë.

Vija bregdetare e Detit Adriatik në këtë sezon turistik do të presë më pak turistë, mbetjet urbane do të sjellin me pak të ardhura dhe zhvillim ekonomik.