Mbi 200 mijë viktima nga COVID 19, Ku janë zonat “e kuqe”

Kanë kaluar pothuajse tre muaj e gjysmë nga momenti kur autoritetet kineze deklaruan më 11 janar viktimën e parë nga koronavirusi.

Sot, bilanci i pandemisë ka tejkaluar 203 mijë personat, ndërkohë që të prekurit me COVID-19 janë mbi 2.9 milionë në 210 vende të botës.

Janë 7 shtetet që për momentin kanë kaluar 100 mijë të prekurit, (SHBA, Spanjë, Itali, Francë, Gjermani, Britani e Madhe, Turqi) ndërkohë që Spanja ka kaluar tashmë 200 mijë të infektuarit, dhe SHBA po i afrohet momentit ku do të kalojë pragun e një milionë të prekurve, ndërkohë që i ka kaluar 52 mijë viktimat.