Mbyllet mbledhja e Këshillit Kombëtar të PD, një anëtar iku nga salla

Dy orë ka zgjatur mbledhja e Këshillit Kombëtar të Partisë Demokratike. Tema kryesore e diskutimit ishte protesta kombëtare e thirrur në 22 dhjetor, por ka pasur edhe diskutime mbi një ndryshim të propozuar nga Lisandër Hoxha në statutin e partisë për largimin e eksponentëve të lidhur me fondacionin Soros në PD. Në mbledhje nuk janë munguar as tensionet që janë shënuar kur anëtari Dritan Burgia, është larguar në mënyrë demonstrative nga salla.Largimi erdhi pasi u ndaluan diskutimet në këtë forum të lartë të PD-së, duke lejuar vetëm debate mbi protestat. Sipas burimeve, Burgia ka kundërshtuar këtë vendim, duke u shprehur: “Ne vijmë të flasim në forume, ju thoni nuk lejohet të flasim për asgjë veç protestës”.