Mbyllet numërimi, PS fiton Bashkinë e Bulqizës

Partia Socialiste konfirmohet fituese në Bashkinë e Bulqizës, KZAZ me numër 18 në Qarkun e Dibrës. Me përfundimin e numërimit të 49 kutive në këtë Bashki, Partia Socialiste rezultoi fituese me 45.73% ose 6423 vota kundrejt 38.29% ose 5378 votave të Partisë Demokratike.

Për PS është një rritje prej 1300 votash në krahasim me 2017 ndërsa PD ka një rënie me 150 vota nga zgjedhjet e kaluara ku arriti ta fitonte këtë Bashki.

Më shumë se përgjysmim të votave pati LSI në 4 vite diferencë në këto zgjedhje pasi numërimi nxorri 1518 vota për ta teksa në 2017 arriti të merrte 4225 vota.