Mbyllet spitali Covid 4, shkak rënia e rasteve me Covid-19

Nisur nga ulja e rasteve nga Covid-19, mësohet se këtë të premte mbyllet spitali Covid 4 i vendosur në mjediset e ish-Universitetit Kristal, por që do të jetë në gatishmëri në rast se situata rëndohet.

Ditët e fundit shtrimet në këtë spital kanë qenë shumë të vogla dhe për këtë arsye autoritetet po mendojnë pezullimin e punës, por që gatishmëria do të vijojë të jetë e lartë nëse situata do të pësojë një përkeqësim të situatës.

Gjatë muajve të dimrit, autoritetet spitalore dhe ekspertët vendosën të hapin dhe 3 spitale rajonale për trajtimin e pacientëve me Covid, për shkak të rritjes së numrit të të infektuarve.