Me cilin grup është në PD? Deputetja Nebijaj: Berisha lider historik dhe uragan energjish! Respekt për grupin e Alibeajt

Deputetja më e re demokrate, Ori Nebijaj, pasi përfitoi mandatin nga dorëheqja e Grida Dumës thotë se nuk e sheh veten si pjesë të asnjë grupi, por si pjesë të PD-së. Berishën e cilëson si lider historik të PD, si edhe tregon se ka respekt për grupin parlamentar që përfaqësohet nga Enkelejd Alibeaj.

“z. Berisha do jetë gjithmonë në krye të PD-së, ai është lider historik, pavarësisht se shohim drejt së ardhmes. Kam respet për grupin parlamentar që përfaqësohet nga Alibeaj dhe për ata që mbështesin Berishën.

Jam e detyruar që t’i jap ligjit atë që meriton. Sfida e vetme e përbashkët e opozitës së madhe është të bëhet më e mira për shqiptarët. Besoj që viti që vjen do e gjejë opozitën me shumë punë të ndërtuar

Zoti Berisha është uragan energjish dhe në foltore, teksa mbante syzet e errëta që i shkonin, padyshim që të emocionon. Berisha është aty ku i takon”,-tha në ”Report TV”.