Më pak pushues në jug? Kumbaro: Unë i quaj muhabete Facebook-u

Teksa ndodhemi në kulmin e sezonit turistik, ministja e Mjedisit, Mirela Kumbaro, ka folur për kritikat se këtë vit ka më pak pushues kjo edhe për shkak të rritjes së çmimeve.

Në një intervistë në neës 24, ajo theksoi se shpërndarjet në rrjetet sociale nuk janë baza për të bërë një perceptim, duke i quajtur edhe muhabete Facebook-u.

“Komente që bëhen në rrjet pa asnjë sondazh shifër, metodologji apo sistem. Facebook sokaku i madh i muhabeteve dhe unë nuk kam asnjë problem me këtë, unë i quaj muhabete. Unë flas për të dhënë që vijnë nga hotelieret”, tha ajo.

E pyetur nëse ka abuzimet me çmimet, Kumbaro u përgjigj: Edhe kjo është pjesë e fenomeni të tregut të lirë, shteti nuk kontrollon çmimet por abuzimet. Kam qenë vetë në terren për të parë dhe verifikuar abuzimet. Ato që janë me emër dhe mbiemer ndiqen nga kontrolli i hetimit.